12
يوميات بنت بجـــد ولكن ......؟
يوستينا : ماما انتى زعلانه منى ؟
ماما : طبعا مش زعلانه منك .... بس بقى اهدى كده وقومى اتعشى انتى عملتى احسن حاجه من غير حتى ما حد يقولك .... بس انا عاوزاكى متخبيش حاجه تانيه عنى
يوستينا : حاضر
وفعلا قومت اتعشيت ونمت
ومروحتش الكليه تانى يوم
وطبعا مريم اتصلت اطمنت عليا وقالتلى انى اجى قولتلها لا
وطبعا كان فى ارقام غريبه بترن عليا وانا مكنتش برد لانى بكون شاكه ان هو
وبعديها ويومين روحت الكليه
اول ما دخلت الكليه لقيته واقف مع مارجو وبيتر وبقيه الشله
طبعا انا ولا اهتميت بيه ودخلت المحاضره على طول
واول ما طلعت قالى عاوز اتكلم معاكى
يوستينا : احنا مفيش بينا كلام ولو سمحت سبنى فى حالى
رامى : تينا بجد انا حبيتك انتى انسانه جدعه اوى
(طبعا الكلام جميل بس كان لازم اقطع كلامه لانى كده ممكن اميل معاه " ميغركومش القوة اللى انا فيها ديه ")
يوستينا : لو سمحت انا قولتلك اللى فيها وانت حر
رامى : ما انا عشان كده بكلمك ... ممكن تاخدى معاد من بابا وماما عشان اجى اتكلم فيه
تينتا : بجـــــــــــــد !!!
رامى : اة بجد .. ايه انتى معجبه بيا ولا ايه ^_*
تينا : لا طبعا بس انا احترم الشخص اللى يدخل من الباب
رامى : طيب يا ستى يعنى عجبتك
تينا : لما نشوف بابا وماما هيقولوا ايه
رامى : زى ما مهم رأى بابا وماما يهمنى رأيك .... تينا انا بجد بحبك انا مش عارف حبيتك ازاى بس انا حبيتك انتى فى نظرى احسن واحده فى الدنيا انتى احسن بنت شفتها فى حياتى
(طبعا انا مردش وبدئت اصدق كلامه واعجب بيه فعلا )
تينا : طب معلش ممكن بقى اروح
رامى: ههههههههههههه
تينا : بضحك ليه ؟
رامى : اصلى اول مره اقولك تينا ومتقوليلش يوستينا لو سمحت
يوستينا : ههههههههه طب لو سمحت متقولش غير يوستينا ... يالا بقى انا هروح
رامى : طيب انا هاجى اوصلك
تينا : وبعدين قولنا ايه
رامى : طب ما كيمو ومريم بيوصلها
تينا : كيمو خلاص رايح يتقدملها بعد بكره وكمان اهلها عارفين
رامى ": طب وماله طب ما انا رايح اكلم بابا وماما بكره
تينا : يالا بعد اذنك
رامى : هتروحى برضوا مع كيمو ومريم
تينا : اة ........ ليه ؟
رامى : معلش بقى محبش ان خطبتى اللى هتكون مراتى تروح مع حد يا تروحى لوحدك يا اجى اوصلك
تينا : ههههههه خلاص عملتنى خطيبتك لما نشوف رأى الوالدين .... وكمان بقى يالا باى
وسيبته وروحت وانا فرحانه
وحكيت لمريم وباركتلى ولما روحت البيت حكيت لماما
ماما قعدت تقلى ربنا يستر انا حاسه انه مش كويس
المهم قالت لبابا على اسمه وبابا سأل عليه كتير
عشان لما يجى تانى يوم يا نوافق يا نرفض
وفعلا بابا سأل عليه
يا ترى كان رأيه ايه
وايه اللى حصل
وده اللى هنعرفه الحلقه الجايه
سؤال الحلقه
1: يا ترى رأى باباها ايه ؟
2 :هيوافقوا ولالا ؟؟
3 : ايه رأيك فى حلقه النهارده .؟