3
من يوميات بنت بجد ولكن ...
وتانى يوم كنت فى الكليه وبعد ما خلصت روحت الكافيتريا اشرب حاجه
وهناك لقيت كيمو وصاحبه
بس كانوا بيبصوا على حد
وكانوا بيبصوا على مريم ورامى ومارجو
انا اول ما دخلت الكافيتريا
جات تجرى عليا مريم سلمت عليا واخدتنى وسط الشله هناك
مريم : تعالى بس سلمى عليهم دول لسه بيسألوا عليكى
يوستينا : انا هسلم وامشى على طول
المهم روحت سلمت عليهم وبعد السلام
يوستينا : امال فين بقيه الشله عشان تكملوا
مريم : مين يعنى ؟
يوستينا : يعنى فين الحد الرابع بتاعكم اعدين تلاته ليه ؟
رامى: انتى تقصدى ايه
يوستينا : مقصدش حاجه ....يالا بقى بعد اذنكم
(اصل انا من ساعه ما دخلت الكليه وانا حاسه ان رامى ده فاشل وبتاع بنات مع ان فى ناس بتشكر فيه)
رامى : ايه يا بنتى مالك انتى لسه قعدتى ولا شربتى حاجه
يوستينا : لا ميرسى مش عاوزة
رامى : امال جيتى الكافيتريا ليه ؟
مارجو : ×_× اتلاقيها كانت جايه تدور عليك
يوستينا : وانا ادور عليه ليه ؟
مارجو : معرفش اسألى نفسك
يوستينا : عموما على فكره انا مش هقول اى حاجه ... بس لو سألتى مريم هتقولك ان هى جات مسكت فيا عشان اسلم عليكم
رامى : ايه ده يعنى انتى مكنتيش جايه تسلمى علينا
يوستينا : بصراحه اة .... انا كنت جايه اطلب حاجه اشربها وامشى
رامى : عموما براحتك بس انا بجد كنت حابب اشوفك واسلم عليكى
يوستينا : ميرسى بجد يا رامى يالا بقى بعد اذنكم
استأذنت وكنت حاسه ان مارجو شويه وهتضربنى
وروحت طبعا سلمت على كيمو وعرفنى على بيتر
بيتر : معقول انتى معايا فى الكليه وانا مش واخد بالى
يوستينا : معلش بقى اهو كيمو عرفنا على بعض ........ صح
يا كيموا انتوا ليه كنتوا بتبصوااوى كده على رامى
كيمو : ده انا اللى كنت رايح اقولك ايه اللى موقفك مع ده
يوستينا : ليه ماله .....
كيمو :لا اصل انا على حد علمى انه انسان فاشل كمان بيلعب بالبنات .... فأستغربت ازاى حد زيك يقف مع ده
يوستينا : اصدق يا كيمو انا حاسه بكده مع ان محدش قالى .... بس اعمل ايه انا اذا كان عليا عاوزة احضر المحضرات واجرى على بيتنا ما انت عارف ماما .... بس زمايلى بيبقوا واقفين معاه وبينادوا عليا وانا مبعرفش احرجهم
كيمو : ما انا شوفت زميلتك وهى بتنادى عليكى واخدتك ... وعلى كده البنات كويسين ولا ايه ؟
يوستينا : على حد علمى ان مريم كويسه مارجو بقى معرفش
كيمو : ومين فيهم مريم ومين فيهم مارجو ؟
يوستينا : مريم هى اللى اخدتنى اسلم عليهم .... بس قولى انت بتسأل ليه ومهتم اوى كده ؟... وكمان ايه اللى جابك كليتنا يا باشا ؟
كيمو : مفيش انا اصلا من وقت للتانى بأجى اعد مع بيتر شويه واروح
يوستينا : اممممممممم طيب
واستأذنت وسبت بيتر وكيمو
وكان كيمو عماله يبص ع مريم اوى
ووانا خارجه من الكافيتريا
حصل موقف ضايقنى وجننى اوى ؟
يا ترى ايه اللى حصل ؟
ده اللى هنعرفه الحلقه الجايه
سؤال الحلقه
1: يا ترى ايه اللى حصل ضايق يوستينا ؟
2 : يا ترى كيمو بيبص على مريم ليه ؟؟
3 : ايه رأيك فى حلقه النهارده .؟