6
من يوميات بنت بجد ولكن .....
وفجأه موبايلى بيرن
وكان رقم غريب
مردتش ارد لانى شكيت انه ممكن يكون رامى اخد رقمى من مارجو او مريم
وفجأه لقيت حد تانى بيرن
وكانت مريم
يوستينا : نعم
مريم : ايه يا بنتى مالك بس فى ايه ؟
يوستينا : مفيش انتى فى حاجه ؟
مريم : بصى انا مليش دعوة بقصصك مع رامى ومارجو احنا صحاب وانا متصله اطمن عليكى
يوستينا : متقلقيش انا كويسه
مريم : طب بأمانه انتى وحشانى ه انا مش بشوفك غير فى المحاضرات بس
يوستينا : معلش انا كده كويسه
مريم : كنت عاوزة اطلب منك حاجه كده على كام سؤال !!
يوستينا : خير ما انا قولت انتى استحاله تكونى متصله لوجه الله
مريم :هههههههه بصراحه اة .... هو كريم ده كويس
يوستينا : اة كويس جدااااااااااااااا ه جدع خالص بس انتى بتسألى ليه
مريم : هو انتوا بينكم حاجه
يوستينا : لا يا بنتى فى ايه بتسألى ليه ؟
مريم : مفيش اصله اخر مره لما كنتوا مع بعض كان عماله يبص عليا اوى
يوستينا : اة ما انا اخدت بالى
مريم : اصل انا عارفه بيتر لكن مكنتش اعرف كيمو ... لما انتى خرجتى كنت واقفه انا ومارجو فبيتر شاورلى فسلمت عليهم وعرفنى على كيمو واعدنا نهزر وتانى يوم جه الكافيتريا وسلم عليا وكلمنى تانى وقالى انه عاوز يخرج معايا وتكون خروجه لينا كلنا وقالى انى اقول لاصحابى بس انا قولت اشوفك الاول
يوستينا : طب اوك وانا مالى
مريم : ما هو قالى اقولك وانا كمان قولت مش هروح من غيرك وخصوصا انى حاسه انه معجب بيا
يوستينا : خلاص ربنا يوفقكم وانا طبعا معاكم بس قوليلى مين هيبقى معانا
مريم : هيبقى معانا ..... هيبقى معانا مارجو ورامى وبيتر وبولا ومايكل وكوكى وكاتى
يوستينا : تانى يا مريم ... صدقينى مش عاوزة افهمك غلط ... بس انتى شكلك مصممه
مريم : هو انتى ليه اول ما بتسمعى سيره رامى بتضايقى اوى كده
يوستينا : يعنى انتى متعرفيش اللى حصل ده فى رقم غريب عمال يرن عليا انا شاكه ان هو
مريم : عارفه بس افرضى هو بيحبك بجد فتخسريه وعلى فكره الرقم الغريب ده كان كيمو لانه اخد رقمك منى شوفتى بقى انتى ظلمتى رامى ازاى
يوستينا :ظلمته ظلمته انا اصلا مش قبلاه بعدين انا اصلا ماما لو عرفت هترفض لان انا قولتلها كل حاجه عن رامى
مريم : عارفه يا تينا انتى معجبه برامى بس بتحاولى تخبى وده باين من اندفاعك واسلوبك لما بتسمعى اسمه
يوستينا : ايه ايه انا معجبه برامى طب بس بس
مريم : يعنى هتيجى ولا هتتهربى
يوستينا : لا هاجى طبعا عشان اثبتلك انى لا معجبه بيه ولا نيله
مريم : طيب ومامتك هتقوللها ايه .؟
يوستينا : انا هتصرف
وتانى يوم بحضر نفسى للخروجه
كان نفسى اكون زى القمر واثبت ليهم كلهم ان رامى ه مش فى دماغى اصلا
وفجأه ماما دخلت الاوضه
عماله تغنى وفرحانه اوى بنفسك وبتتزوقى رايحه فين
يوستينا : خارجه انا وصحابى
ماما :" بنات ؟
يوستينا : امال يعنى ولاد
ماما : امال ليه الشياكه والاهتمام ه كله
يوستينا : يعنى عشان هما بنات اقابلهم معفنه يا حول الله
ماما : انتى بتتكلمى كده ليه
يوستينا : مفيش حاجه يا ست الحبايب سبينى بقى انزل عشان متأخرش
نزلت انا فرحانه وفجأه لقيت !!!
يا ترى لقيت ايه ؟
وده اللى هنعرفه الحلقه الجايه
انتظرونا غدا الساعه 9 مساءا
سؤال الحلقه
1: يا ترى يوستينا لقت ايه ؟
2 :يا ترى ايه اللى هيحصل فى اليوم ده؟؟
3 : ايه رأيك فى حلقه النهارده .؟