5
من يوميات بنت بجد ولكن .....
وفى مره اتلغيت المحاضره قولت بدل ما اروح
اروح فين ؟
روحت قولت اعد فى المكتبه
وفجأه لقيت رامى جاى من ورايا وبيخبط على كتفى
رامى : ممكن اعد معاكى شويه
يوستينا : اتفضل
(متلوموش عليا اصله بصراحه حرجنى بأسلوبه مقدرتش احرجه)
رامى : عامله ايه
تينا : الحمد لله
رامى : هو انتى زعلانه منى ؟
يوستينا : لا وهزعل منك ليه ؟
رامى : من اخر مره اتكلمنا فيها وانتى مش باينه ويا دوب تحضرى المحاضره وتختفى .. ببقى عاوز اتكلم معاكى بس مش بلحقك .. حسيت انى ضايقتك
يوستينا : لا بجد بس انا عاوزة اكون فى حالى
رامى : طب وليه انتى قافله على نفسك كده ليه متبقيش عشريه
يوستينا : لان انا كده
رامى : طب خلاص متتعصبيش .. انا مبيهونش عليا ازعلك او حتى انرفزك
يوستينا : رامى انت عاوز ايه
رامى : عاوز الرضا
يوستينا : رامى انا مبحبش كده
رامى : انا معجب بيكى
(وهنا الكلمه نزلت عليا كالصاعقه ..... انا كنت حاسه بكده ... لكن مكنتش بحب اواجه نفسى يجى هو يقولى كده )
يوستينا : O_O
رامى : انتى عامله كده ليه ؟ بجد انا معجب بيكى
يوستينا : رامى انا مسمحلكش تلعب بيا واوعى تكون فاكرنى ان انا زى اى بنت هتلعب بيها ... انسى ماشى عشان انا مش كده
بعد اذنك
وسبته ومشيت نادى عليا مرضتش ارد عليه
ووانا خارجه من المكتبه قبلت مارجو
مارجو : تينا مشوفتيش رامى
يوستينا : اة فى المكتبه شوفيه وعاقليه وقوليله بلاش يوستينا
مارجو : حصل ايه ؟
يوستينا : معرفش ابقى اسأليه باى
ومشيت وسبته
وروحت البيت وحاسه ان انا فرحاااانه اوووووووووى
حاسه بالانتصار على نفسى مش بس على رامى
لان اسلوبه عجبنى اوى بصراحه
وفجأه موبايلى بيرن
وكان رقم غريب
مردتش ارد لانى شكيت انه ممكن يكون رامى اخد رقمى من مارجو او مريم
وفجأه لقيت حد تانى بيرن
يا ترى مين ؟
وده اللى هنعرفه الحلقه الجايه
انتظـــــــــــرونا غـــدا الساعه 9 الحلقه القادمه
سؤال الحلقه
1: يا ترى مين اللى كلم يوستينا ؟
2 : يا ترى الرقم الغريب ه هو رامى فعلا ؟؟
3 : ايه رأيك فى حلقه النهارده .؟