الحلقه (2)
من يوميات بنت بجد ولكن....
طبعا انتوا كنت فاكرين ان اللى اتصل رامى
بس اللى متعرفهوش ان شخصيه زى يوستينا استحاله تدى رقمها لشاب
نكمـــــــــــــــــــــــ
وروحت البيت وانا مش عارفه اكون مضايقه ولا اكون فرحانه
المهم انا اصلا كبرت دماغى
وبعديها بيومين
موبايلى رن
وكانت مريم
مريم : عامله ايه يا موزة ؟
يوستينا : O_O الحمد لله
مريم : بقولك ايه شلتنا كلها خارجه النهارده ما تيجى معانا
يوستينا : شله مين ؟
مريم : رامى ومايكل وبولا .... وانا ومارجو وانتى
يوستينا : اة وده له ديه بقى ولا نظام انتمه
مريم : انتى قصدك ايه ؟
يوستينا : قصدى انتى عرفاه انا عارفه انك مش مأنتمه مع حد بس خروج 3 بنات مع 3 شباب ده معناه ايه ....... لازم ناخد بالنا ان حوالينا ناس
مريم : انتى ليه كده خليكى فيرى وبعدين احنا مبنعملش حاجه غلط وانا قولتلك قبل كده مفيش حاجه بينى وبين اى حد غير اننا صحاب
يوستينا : بصى عشان متضايقش من كلامى انا عارفه انى دبش ..... فروحى انتى لان انا استحاله اروح
مريم : كانت عندها حق مارجو
يوستينا : على فكره انا مش هسألك مارجو قالت ايه لانى عارفه هى اد ايه بتغيير منى وبتكرهنى
مريم : بتغير منك فى ايه انشاء الله ؟
يوستينا : بصى انا رامى ده ولا يهمنى فى حاجه اصلا .... بس معنى ان مارجو تتضايق لما يكلمنى او كده ده معناه انها يا اما بتحبه يا اما بتغيير منى
مريم : بصى انا مليش دعوة بكل ده
يوستينا : اوك يا روما روحى انتى معاهم بس خدى بالك على نفسك
مريم : اوك باى
(وقفلنا مع بعض وانا مبسوطه من نفسى انى مروحتش معاهم ... وكمان انا اة نفسى اخرج بس مش شايفه ان هى ديه الشله المثاليه او دول ينفعوا يكونوا صحابى )
وتانى يوم كنت فى الكنيسه واقفه فى الحوش
وهناك لقيت واحد كان معايا فى اعدادى
المهم هو قعد يشبه عليا وانا اشبه عليه
وكان اسمه كريم
كريم : لو سمحتى انا حاسس انى اعرفك هو حضرتك يوستينا والله انا مش بعاكس بس انا عارفك
يوستينا : اة انا اسمى يوستينا ... كريم صح
كريم : اة انا كريم ... ايه يا بنتى اخبرك ايه ؟
يوستينا : تمام وانت
كريم : انا تمام .. انتى فى كليه ايه دلوقتى
يوستينا : انا فى كليه فنون جميله وانت
كريم : انا فى كليه طب بس معايا واحد صاحبى فى فنون جميله برضوا اسمه بيتر يمكن تعرفيه
يوستينا : لا معرفهوش انت عارفنى انا ديما فى حالى
كريم : صدقينى احسن حاجه
المهم بعديها بشويه روحت
وتانى يوم كنت فى الكليه وبعد ما خلصت روحت الكافيتريا اشرب حاجه
وهناك لقيت كيمو وصاحبه
بس كانوا بيبصوا على حد
يا ترى كانوا بيبصوا على مين ؟
ده اللى هنعرفه الحلقه الجايه
سؤال الحلقه
1: يا ترى كيمو وبيتر كانوا بيبصوا على مين؟
2 : يا ترى رامى محاولش يكلم يوستينا الحلقه ديه ؟
3 : ايه رأيك فى حلقه النهارده .؟
