11
من يوميات بنت بجد ولكن .....
خلصنا المحاضره وطلعنا
حصلت حاجتين
رامى سألنى سؤال
وكيمو اتكلم مع رامى وشوا مع بعض
رامى : انا عاوزك تعالى نعد ف الكافيتريا شويه
يوستينا : لا انا مروحه
كيمو : طب يالا عشان اوصلك انتى ومريم
يوستينا : حاضر يا كيمو جايه ابقونى وجايه وراكم
رامى : هو ايه ده اسمه ايه اللى بتعمليه ده
تينا : نعم ؟ مش فاهمه
رامى : يعنى كيمو تعالى اعد معاكى تروحى تعالى اوصلك تروحى وانا لا .... دده على اساس ايه ... غير انك مش عامله ليا اى حساب
يوستينا : والله .... اقولك انا على اساس ايه ... على اساس ان كريم ده راجل لما حب يتكلم مع مريم قالها اكلمك مع اهلك والاتنين معجبين ببعض يعنى دخل من الباب مش زى ناس ..... كيمو راجل لانى بعتبره زى اخويا لانه بيخاف عليا لانى زى اخته
رامى : والله ده كله ما تقولى انك بتحبيه بالمره
يوستينا : انا فعلا بحبه وبحترمه جدا لانه انسان نادر اوى لما الاقى زيه الايام ديه
رامى : يعنى ايه مش هتخرجى معايا النهارده
يوستينا : لا مش هخرج واللى عندك اعمله وكلام معايا تانى متتكلمش ... لو عايزنى بجد اعمل زى كريم وادخل من باب
رامى : طب ما كريم اهو بقاله يومين بيكلم مريم وهو لسه هيروح يوم الاحد يعنى لسه محصلش موافقه ولا اى حاجه وبيكلمها وبيوصلها
وهنا جات مريم قالتلى يالا عشان منتأخرش
قولتلها خلاص قربنا نخلص لو اتأخرت امشوا
قالتى لا هنستناكى
وكملت كلام مع رامى
يوستينا : اة كريم بيكلمها لكنه كلم اهلها واخد معاهم معاد
رامى : يعنى ده اخر كلامك عندك
يوستينا : هو بالغصب ..... اة اخر كلام عندى
رامى : لا .... عجبتينى بجد .... عموما اتفضلى روحى ونكمل كلام بكره لان انتى شكلك دلوقتى اعصابك تعبانه
يوستينا : انا فعلا هروح لكن مش هنتكلم بكره
سلام
ومشيت وسبته وكريم وصلنى
وانا اصلا ماشيه متنرفزة
مريم وكيمو سألونى قولتلهم هحكيلكم بعدين
واول ما روحت
دخلت اوضتى متشنكه
وكالعاه دخلت الست الوالده
ماما : مين اللى وصلك ده يا هانم
يوستينا : يا ماما ارحمينى بقى .... ده يبقى كريم
ماما : انا مش قولتلك متكلميش حد وهو ازاى يوصلك (وطبعا اعدت تزعق كتير )
يوستينا : يا ماما هو خطب مريم وكان بيوصل مريم فوصلنى معاه ... يبقى كده غلط
ماما : اة اذا كان كده ماشى .... بس انتى مالك شكلك معيطه ليه ؟
يوستينا : مفيش يا ماما مخنوقه شويه
ماما : احكيلى بس مالك انا حاسه ان فيكى حاجه وبستناكى تحكيلى مش بتحكى
(واخدتنى فى حضنها وهنا اعدت اعيط جامد اوى وهى تقولى مالك )
يوستينا: ماما هو انا لو عملت حاجه غلط وجيت قولتلك هتسامحينى
ماما : استر يارب اكيد هسامحك بس فى ايه قلقتينى
يوستينا : ماما انا ........ انا كدبت عليكى لاول مره ... متزعليش منى بجد انا مش هكدب عليكى تانى
(حضنتنى اكتر وقالتلى )
ماما : انتى احسن بنوته فى الدنيا انا مقدرش ازعل منك بس قوليلى كدبتى عليا فى ايه ؟
يوستينا : انا خرجت مع ولاد وبنات وقولتلك انى خارجه مع بنات بس
ماما : اة عشان كده كنتى متزوقه يعنى
يوستينا : ماما رامى طلب منى انى افضل اخرج معاه 3 ايام ولما يعرفنى كويس هيجى يتقدم
ماما : وانتى قولتيله ايه ؟
يوستينا : قولتله لا ولو هو معجب بيا بجد يجى يتقدم وقولتله ميكلمنيش تانى
ماما : بجد انتى فرحتينى بيكى .... وهو لو بيحبك بجد هيجى يتقدملك وساعتها ابوكى يسأل عليه .. بس مش عارفه ليه الولا ده انا مش مرتحاله
يوستينا : ماما انتى زعلانه منى ؟
يا ترى مامتها زعلانه ولا لا
وده اللى هنعرفه الحلقه الجايه
سؤال الحلقه
1: يامامتها زعلانه ولالا ؟
2 :يا ترى رامى هيتقدملها ولا لا ؟؟
3 : ايه رأيك فى حلقه النهارده .؟