10
من يوميات بنت بجد ولكن .....
مريم : بجد انا بحبك اوى مع انى مكنتش طيقاكى فى الاول
يوستينا : انا كمان بحبك بس كرهتك دلوقتى ههههههههه
مريم : ليه بس
يوستينا : عشـــــــــــــــــان انا قولت لماما انها بنات بس ولما جيت ماما ملاحظه ان فيا حجه متغيره بس مش عارفه اكدب عليها مش عارف اعمل ايه ؟
مريم : قوللها اننا كلنا كنا مع بعض لكن محدش قعد لوحده ومتقوللهاش طبعا ع اتفاقك انتى ورامى عشان متخربهاش استنى شويه لما نعرف اخره
يوستينا : بت انتى ... بتحرضينى على الفساد ع فكره هههههههه
مريم : سيبك انتى المهم هتعملى ايه فى موضوع رامى
يوستينا : اهو خلينى ماشيه ورا الكداب لحد باب الدار
مريم : معاكى ربنا واتنين ملايكه وتلات شياطين صغيرين ههههه
يوستينا : ههههههههههههه
وقفلنا مع بعض
وفضلت افكر
ده صح ده غلط طب هعمل ايه
متحيره خالص ومش عارفه اعمل ايه
ووقفت اصلى وقولت يارب ارشدنى واقف معايا
وبعد ما خلصت صلاه
لقيت امى دخلت الاوضه وبتقولى مش هتحكيلى
قولت لا
قالتلى انا حاسه ان فيكى حاجه غلط وبرضوا هستنى تحكيلى
انا طول الليل قلقانه وعماله افكر
المهم صحيت من النوم
وروحت الكليه
وطبعا لقيت رامى هناك هو ومارجو ومريم وكيمو والشله كلها
استغربت ازاى كيمو يقف مع رامى
رامى : ايه يا تينا انتى ديما متأخره ع طول كده
تينا : مفيش انا داخله المحاضره انتوا مش داخلين
مريم : لسه مبدأتش
يوستينا : كيموا مش تشوف الكليه بتاعتك بقى ولا ايه ولا هتفضل كل يوم هنا
كيمو : معلش انا كنت عاوزك شويه
المهم اخدنى وروحنا قعدنا فى الكافيتريا
كيمو : مش هعطلك متقلقيش
تينا : خير قلقتنى
كيمو : تينا انتى واخده بالك من اللى بتعمليه
تينا : اة هى مريم لحقت قلتلك
كيمو : اة قالتلى وبيتر كمان قالى انك خرجتى معاه اول ما قالك يالا
تينا : انا اة وفقت عشان عاوزة اخلص من زنه عشان كمان ابعد ويبع عنى عن اقتناع
كيمو : بس انتى حاسه انك معجبه بيه
تينا : لحد دلوقتى لا
كيمو : اة يعنى احتمال تعجبى بيه ... عموما انا قولتلك رأيي فيه وانتى حره
تينا : متقلقش عليا
كيمو : عموما بجد ربنا معاكى بس خليكى فاكره انى حذرتك وانا عن نفسى مش هكلمك فى الموضوع ه تانى عشان محسش انى بتطفل عليكى
تينا : يكون احسن برضوا ... لان انا مش عيله صغيره
كيمو :طيب يا تينا انا اسف
تينا : من غير اسف ......... قولى بقى لحقت تحب مريم
كيمو : مفيش يا ستى انا حاسس انها انسانه كويسه اوى ومعجب بيه ..... فقولت ليه اخش من الشباك مدام ممكن ادخل من الباب وبس
تينا : بجد برافو ربنا يوفقكم متنسوش تعزمونى ..
.كيمو : اكيد احنا بس نعرف رأى اهلها وتانى يوم هنكون عاملين خطوبه ونلبس الدبل
تينا : طب كويس يالا بقى عشان متأخرش ..... بس برضوا مقولتليش انت هتفضل كل يوم كده ناططلنا فى الكليه وسايب كليتك
كيمو : اة عارفه ليه ؟ عشان انا خايف عليكى وهفضل معاكى انا ومريم لحد ما نعرف اخرك مع رامى ده ولو ناوى على خطوبه ربنا يوفقكم لو غير كده ربنا يبعدك عنه
تينا : ميرسى بجد بس انا مش عاوزاكم تقلقوا عليا
كيمو : يعنى انتى هتروحى تقابليه النهارده
تينا : منش عارفه لسه .... يالا بقى عشان منتاخرش ع المحاضره
وروحت لاصحابى ودخلت المحاضره انا ومريم ومارجو وبيتر
واستنانا بره رامى وكيمو
الاتنين مع بعض ازاى معرفش
المهم
خلصنا المحاضره وطلعنا
حصلت حاجتين
رامى سألنى سؤال
وكيمو اتكلم مع رامى وشوا مع بعض
يا ترى ايه السبب ؟
وده اللى هنعرفه الحلقه الجايه
سؤال الحلقه
1: يا ترى ايه السؤال ؟
2 :يا ترىايه اللى حصل بين رامى وكيمو ؟؟
3 : ايه رأيك فى حلقه النهارده .؟