9
من يوميات بنت بجد ولكن .....
لما روحت حصلت حاجتين
ماما اتكلمت معايا
وموبايلى رن
ماما : احكيلى بقى شكلك مبسوطه
يوستينا : انا .... لا ... خالص هكون مبسوطه ليه
ماما : مالك فى ايه
يوستينا مليش ياماما
ماما : طيب عموما لما تحبى تحكيلى انا موجوه
ودخلت الاوضه
مكدبش عليكم حاسه انى مبسوطه
اة فضلت قافله على نفسى وكان كله شايفنى رخمه وكئيبه
اشمعنا هو حبنى انا واشمعنا دوناً عن البنات كلها اخترنى
مع انه كان ممكن يحب الاحلى منى
وكمان اشمعنا 3 ايام
وقاعده عماله افكر وكمان محتاره واقول لنفسى
لا اجمدى كده
ه حتى ماما اخدت بالها انك فرحانه
لمى نفسك كده وبلاش حركات البنات ديه
انتى يا اختى معاكيش غير قلب واحد
حافظي عليه
مش لاى حد قلبك تديه
وعماله اقول لنفسى كلام من ده اقوى نفسى بيه
طبعا وانا جاى مع مريم هتموت وتحكيلى واحكيلها اللى حصل لكن انا فضلت يكون الكلام بعدين اصل انا خوفت ليبان عليا حاجه
ونسيت اصلا ان انا رايحه الخروجه ديه عشان اثبتلهم واثبت لنفسى انى مش معحبه برامى واتارينى بثبت لنفسى وليهم العكس
المهم
مريم كلمتنى
مريم : ايه بقى مش هتحكيلى ايه اللى حصل
يوستينا : مفيش والله حصل كذا وكذا وكذا
مريم : بجد . طب كويس هو اة رامى بتاع بنات بس ليه متقوليش انه حبك بجد عموما انتى ادى نفسك فرصه تحبيه
يوستينا : سيبك انتى عملتى ايه مع كيمو
مريم : بجد الانسان ده محترم اووووووووووى
يوستينا : هههههههه ادعيلى بقى انا اللى عرفتك عليه
مريم : بجد جدع اوى وقبل ما اقوله اى كلمه قالى انا معجب بيكى .... وعاوز اجى اتقدم قبل ما اقول اى كلام انا برضوا عندى اخوات بنات ... هما عملوا الخطوبه للتعارف يعنى انا هاجى اخطبك بس كنت عاوز استأذنك وكده ............. وانا طبعا بلمت يا تينا ما انتى عرفانى كان هاين عليا اقوم ازغرط من الفرحه بجد فى كده دلوقتى فى حد جدع وراجل كده
يوستينا : بجد يا حبيبتى ربنا يوفقكم وكيمو راجل اوى بمعنى الكلمه ..... قوليلى بقى هيتكلم مع باباكى امتى
مريم : هيكلمه الاحد الجاى .
يوستينا : الف الف مبرووووووووووووووووووووووو
مريم : تعرفى يا تينا .... كيمو بجد بيحبك اوى ومعتبرك اخته لدرجه انه لما سمع انك اكلمتى مع رامى كان مضايق اوى وكان عاوز يكلمك
يوستينا : يمكن هو شايف ان ده غلط بس انا عاوزة ارتاح من زن رامى
مريم : يعنى انتى بجد مش معجبه بيه
يوستينا : لا طبعا يا بنتى
مريم : عموما بكره نعد جمب الحيط ونسمع الزيط هههههههههه
يوستينا : ماشى يا اختى ههههههههه انتى المفروض بقى تظبطى حالك كده وتحضرى نفسك ليوم الاحد متشغليش بالك بيا
مريم : بجد انا بحبك اوى مع انى مكنتش طيقاكى فى الاول
يوستينا : انا كمان بحبك بس كرهتك دلوقتى ههههههههه
مريم : ليه بس
يوستينا : عشـــــــــــــــــان
ونكمل الحلقه الجايه
سؤال الحلقه
1: يا ترى يوستينا كرهت مريم ليه حتى ولو بهزار ؟
2 :يا ترى كيمو هيتقدم فعلا ... وهيكلم تينا فعلا ولا لا؟؟
3 : ايه رأيك فى حلقه النهارده .؟