الحلقه الاولى
من يوميات بنت بجد ولكن ...
انا بنوته فى 1 كليه فنون جميله واسمى يوستينا
انا هاديه وكمان عشريه
المهم جيت فى يوم اتعرفت ع واحد وكان اسمه رامى
رامى ده كان عشرى اوى
المهم جه فى يوم واعجب بيا
بس انا كنت رافضه مبدأ انى احب وانا فى الكليه
حاطه فى دماغى احب لكن بعد الكليه
مع ان هو فى 4 كليه
ورغم من ان معاد محضراتى غير محضراته
كان ديما قاعد فى الكليه
المهم
فى مره جيت المحضرات متأخر
وداخله القاعه متأخره
لقيت بينادينى
رامى : تينا يا تينا
يوستينا : نعم يا رامى عاوز ايه ؟
رامى : لا انا بس كنت عاوز اطمن عليكى ..... فى حاجه جايه متأخره يعنى
يوستينا : لا مفيش بس المواصلات بقى
رامى : تحبى ابقى اجى اوصلك
يوستينا : لالا ميرسى جدا بجد
رامى : طب يالا خشى محضراتك عشان متتأخريش اكتر من كده
المهم فعلا دخلت حضرت محضراتى
وخرجت انا وصحابى لقيته واقف وكأنه مستنينى
رامى : ممكن اعزمكم على حاجه
مارجو : اة يالا تعالى اعزمنا
رامى : رأيك ايه يا يوستينا
يوستينا : لا ميرسى بجد انا عاوزة اروح
مريم : ما تخليكى قاعده معانا شويه .... هو انتى على طول كده
رامى : يا لهوى ده انتى حياتك ممله اوى
يوستينا عموما ميرسى بس بجد انا عاوزة اروح يالا بقى اقولكم باى
رامى : لالا استنى انا جاى اوصلك
مارجو : لا استنى يا رامى انا عاوزاك
يوستينا : ميرسى يا رامى بجد ......... انا هروح لوحدى شوف مارجو عاوزاك فى ايه ؟
رامى : بعدين هبقى اشوفها لكن مش هسيبك تروحى وحدك
يوستينا : معلش يعنى هو انا لو روحت لوحدى هتخطف ولا هتجرالى حاجه ........ متقلقش يا كابتن اعرف اخد بالى من نفسى كويس
مارجو : هو غلطان اصلا انه خايف عليكى
مريم : انتى بتقولى كده ليه
يوستينا : بقول كده لانه مش من حقه يوصلنى ....... حنا اصحاب كل حاجه بس معلش لازم يكون فيه حدود
يالا بقى بعد اذنكم
رامى : تينــــا
يوستينا : يوستينا لو سمحت
رامى : طب يا يوستينا خدى بالك من نفسك
يوستينا اوك باى
وروحت البيت وانا مش عارفه اكون مضايقه ولا اكون فرحانه
المهم انا اصلا كبرت دماغى
وبعديها بيومين
موبايلى رن
يا ترى مين
ده اللى هنعرفه الحلقه الجايه
الساعه 9 مساءا غدا
سؤال الحلقه
1: يا ترى مين اللى رن على تينا ؟
2 : ايه رأيك فى شخصيه يوستينا ؟
3 : ايه رأيك فى حلقه النهارده .؟
