حد يقدر يسرق مارجرجس ؟

عم عريان الغلبان ندر انه يبيض كنيسه مارجرجس القديمه واتفق مع المقاول على البياض
عم عريان:امانه عليك انا عاوز حاجه حلوه
المقاول:متخفش يا عم عريان ما العمال كلهم بيشتغلوا اهم روح انت بس لشغلك و احنا موجودين
عم عريان: المونه اهه انا عاوز استلم منك الكنيسه بتاعه مارمرجس مصر القديمه اجمل من بتاعه مصر الجديده
المقاول:حاضر يا عم عريان متقلقش خالص
فعلا مشى عم عريان تاركا المقاول لضميره لكن اسرع المقاول بسرعه ينزل من السلم علشان يسرق نصف المونه زى ما بيعمل فى كل مقاوله لكن تفتكروا اخواتى مارجرجس يسيب بيته يتسرق . تفتكروا مارجرجس يسيب المقاول يسرق بيته . لا طبعا فى لحظه لقى المقاول نفسه بيتقفل عليه السلم وهو متعلق فى الهواء نصف فوق ونصف تحت حاول يقوم لكن مفيش فايده السلم بيضيق اكتر واكتر اخذ يصرخ امام العمال: الحقونى.الحقونى . خلاص يا مارجرجس مش هسرقك تانى
مش هسرقك تانى و العمال بيجروا ناحيته وعم عريان رجع على الصوت بتاع الصراخ يشوف فيه ايه واهل الكنيسه واقفين يشوفوا عقاب مارجرجس للحرامى وقف عم عريان ومعه العمال يحاولون انقاذ المقاول و هو بيصرخ :اخر مره .اخر مره
و فعلا ساعدوا المقاول وانقذوه عم عريان: بقى حد يفكر يسرق مارجرجس
شفاعتك يا سريع الندهه يا مارى جرجس